Coco, ibang klaseng humugot ng emosyon

SUPORTADO ng naglalakihang celebrities ang katatapos lang na Celebrity Screening ng inaabangang pagbabalik serye ni Coco Martin, ang FPJ’s Ang Probinsi yano na ginanap sa Cinema 7 ng Trinoma.

Isang pagtitipon na nataon naman sa mismong kaarawan ni Da King Fernando Poe Jr..

Present lahat ng cast at production involved sa serye ng Dreamscape Entertainment ni Deo Endrinal. So happy being invited dahil nakita ko na naman ang pinakamamahal naming si Coco.

Sa aming panonood para sa isang linggong episode ng serye, wala ka naman talagang masasabi sa acting ni Coco. Riyan kami bilib sa aktor na ito. Kahit anong ipagawa mong role sa kanya, maliit man ‘yan o malaki, papalakpakan mo talaga ang kanyang galing. Ibang klaseng humugot ng emosyon si Coco. Pakiramdam mo, siya na talaga ‘yung karakter na ginagampanan niya. ‘Yung pagkilos ng kanyang mukha, kilay, mata, bibig pati ang paggawa ng kanyang ilong kapag galit siya, wala kang maipintas sa aktor na ito.

Ang nakatutuwa pa kay Coco, siya ‘yung artistang kahit saan mo makita, siguro kahit magkasalubong kayo sa palengke, lalapit siya sa iyo at bebeso at may paggalang!

Simple lang naman ang dating ng acting ni Coco rito saAng Probinsiyano, pero ang bigat ng hugot at ipararamdam niya sa iyo ang bawat eksena!

Si Coco Martin naman talaga ang pinakasikat na aktor sa kanyang henerasyon ngayon. Sobra. No wonder why, marunong siyang tumanaw ng utang na loob. Mahal niya ang kanyang pamilya. Mahal na mahal niya ang kanyang propesyon at marunong kumilala ng mga taong tumutulong sa kanya that’s why sobrang blessed siya!

REALITY BITES – Dominc Rea