Thursday , April 3 2025
Bea Alonzo Lyle Menendez
Bea Alonzo Lyle Menendez

Bea bakit naisip gayahin si Lyle Menendez?

HATAWAN
ni Ed de Leon

HONESTLY, nang una naming makita ang picture na iyon sa internet, hindi namin naisip na isa iyong Halloween get up. Ang unang pumasok sa isip namin ay baka isang bagong male model. O isang influencer sa social media o isang bagong nag-aambisyong mag-artista. Ni hindi namin naisip na iyon ay isang babae na nakadamit lalaki bilang costume nga sa Halloween.

Noong uminit na ang usapan kay Bea Alonzo at sa ginawa niyang halloween character, hinanap namin ang pinag-uusapang picture at iyon nga ang lamabas, may caption, “Call me Lyle.”  Pinagmasdan pa naming mabuti, si Bea nga ba iyan? At natawa na lang kami sa maraming comment na nagsasabing, “ang pogi pala ni Bea kung naging lalaki.”

Naisip nga namin huwag mo nang isiping kung naging lalaki. Kung naging tomboy lang iyang si Bea at ganyan ang hitsura, hahabulin din iyan ng mga babae. Kung naging tomboy si Bea, sa hitsura niyang iyon. Ano ang panama ni Jake Xyrus at ni Ice Seguerra. Baka nga kahit na bakla ay habulin siya eh.

Pero dahil sa mga basher, inalis ni Bea ang nasabing picture. Marami ang nagsabing ni hindi na dapat na pinapansin iyong si Lyle Menendez kasama ang kanyang kapatid na si Erick. Pinaslang nila ang kanilang mga magulang noong 1989. Nakalusot pa sila sa krimen noong una, pero maraming sumunod na nangyari. Kumuha sila ng isang computer expert para baguhin ang last will ng kanilang ama, at nang makuha nila ang kayamanan nagmamadali silang lustayin iyon. Tapos hindi rin siguro makayanan ng konsensiya, naipagtapat nila ang krimen sa isang Psychiatrist na nangangalaga sa kanila na siya namang ang-tip off sa mga pulis tungkol sa krimen.

Ang magkapatid ay nasintensiyahan ng double life without parole.

Bina-bash pa rin si Bea dahil sa ginawa niyang iyon, pero mukhang walang nagtanong sa kanya tungkol doon.  Oo masahol pa sa monster ang magkapatid na Menendez at magiging kaiba-iba nga namang Halloween costume iyon pero bakit nga ba naisip ni Bea si Menendez?

Iyon ay isang magandang katanungan para sagutin, pero dahil binash na nang husto si Bea, palagay namin hindi na siya magsasalita ng tungkol sa ano pa mang may kinalaman sa kanyang halloween get up na iyon. Pero in fairness talaga, ang pogi ni Bea.

About Ed de Leon

Check Also

Yohan Castro Vehnee Saturno

Yohan Castro balik-showbiz, patuloy na lumalaban sa mga hamon ng buhay

ALAM MO NA!ni Nonie Nicasio AFTER two years ay itinuloy ni Yohan Castro ang kanyang …

Iñigo Pascual Allen Dizon

Iñigo Pascual bigay-todo sa pelikulang “Fatherland”

ALAM MO NA!ni Nonie Nicasio SA KABILA ng Hollywood stint ni Iñigo Pacual sa TV …

D Grind Outstanding Dance Group sa Best Magazine

D Grind Outstanding Dance Group sa Best Magazine

MATABILni John Fontanilla ITINANGHAL na Outstanding Dance Group of the Year sa Best Magazine 6th Faces …

Alden Richards

Alden walang balak sumabak sa politika

MATABILni John Fontanilla KALIWA’T kanan ang alok sa  Asia’s Multimedia Star at Kapuso prime actor …

Samahan ng Mga Makasalanan SM City Caloocan

Mga Makasalanan dinumog

RATED Rni Rommel Gonzales JAMPACKED ang Mall Atrium ng SM City Caloocan last Saturday (March …