Jericho nanood ng pelikula sa Cannes

HATAWAN
ni Ed de Leon

TINGNAN mo nga naman. Nasa Cannes Film Festival din pala si Jericho Rosales at nakita pa siyang nanood ng premiere ng The Surfer, iyong pelikula ni Nicholas Cage. Ang daming artistang Filipino ngayong nakikita sa Cannes, kasi kung wala pa rin nga naman silang ginagawa rito at may pera naman sila, hindi kailangang mamalimos ng pamasahe papunta roon. Bakit nga ba hindi sila pupunta at nang maranasan naman nila ang magpunta sa Cannes. Hindi naman kailangang invited ka para magpunta roon basta may pera kang pamasahe may pambayad ka kung gusto mong manood, ok lang iyon. Ang masama iyong gustong magpunta sa Cannes tapos wala namang pamasahe manghihingi pa sa mga tao.

Kung wala kang pamasahe manahimik ka na lang. Iying gagastusin mo roon ipambili mo na lang ng toma mo, solved ka pa. Toma lang ang sinabi namin ha, hindi namin sinabing droga. Bawal ang “polvoron.”