Sunshine nalilimatahan ang projects at exposure (Sa ganda at galing)

HATAWAN
ni Ed de Leon

MAY narinig kaming usapan lately tungkol kay Sunshine Cruz. Ang sinasabi nila minsan daw mahirap ihanap ng assignment si Sunshine. Kasi lumalabas na mas maganda siyang ‘di hamak kaysa mga bida. Madalas din, mas mahusay siyang umarte kaysa mga bida sa seryeng nasasamahan niya. Hindi naman kasalanan ni Sunshine iyon, hindi naman siya nananapaw pero lumalabas talagang mas magaling siya.

May isa ngang director na umamin sa amin na minsan ay binawasan niya ang role ni Sunshine “kung hindi magmumukhang kamote ang bida.”

Sabi pa nila sunod-sunod naman daw ang labas ni Sunshine kaya nga hindi mo rin siya magagawang bida, kasi sayang kung malilimitahan ang paglabas niya dahil siya na ang bida.

Kaya nga minsan, kailangang  magbakasyon si Sunshine, pero ang problema nga ay dahil maganda siya at mas magaling kaysa maraming nagbibida-bida sa ngayon.

Totoo naman iyan.