HATAW! D'yaryo ng Bayan hatawtabloid.com
HATAWAN
ni Ed de Leon
MAY isang concerned netizen na siyang naglabas at nagpadala ng open letter kay Kathryn Bernardo, na nagkuwento kung ano ang sinasabing “lihim na pagtatagpo” nina Daniel Padilla at Andrea Brillantes. Sa tono ng kanyang salita, galit siya kay Daniel dahil diniretso pa niya si Kathryn, “Ilang beses ka na bang dinaya niyan?”
Mukhang apektado rin naman ang KathNiel dahil sa nasabing post, kaya sinita na rin nila si Daniel na nangako naman sa kanilang “huwag kayong mag-alala. Ako ang bahala riyan.” Tama rin naman si Daniel, siya nga ang nakagawa ng atraso eh, kaya siya dapat ang bahalang umayos sa problema.
Mukhang tinablan din si Kathryn sa kuwento, kaya nga niya in-unfollow si Andrea na ibig sabihin ay, “hindi ko pala kaibigan ito.” Kasunod niyon, si Andrea ay in-unfollow din ng mga ibang kaibigan ni Kathryn, na mukhang ang ibig sabihin ay “hindi namin nababagay na kaibiganin ito.”
Ito kasi ang kuwento, umano nagtungo sa condo ni Andrea si Daniel isang gabi, uminom ng alak, siguro ay nalasing at doon na nakatulog. Hindi naman sinabing nang dumating si Daniel ay may dala na siyang alak. Samakatuwid sino ang nagbigay ng alak? Nangyayari naman talaga ang ganoon, at kadalasan kaysa mag-drive ka ng lasing na delikado naman, doon ka na nakakatulog kung saan ka uminom.
Maliwanag namang ganoon lang ang kuwento, nalasing, nakatulog at nang mahimasmasan ay umuwi na rin ng kanyang bahay. Walang sinabing nalasing at nagmi-milagro. Pero this time ang matindi, sinasabi ng concerned netizen na ang source niya ay isang kaibigan ni Andrea na napagkuwentuhan mismo niyon ang nangyari. Hindi kaya si Andrea rin ang source ni Ogie Diaz?
Ngayon, ano ang gusto niyang patunayan nang magkuwento siya ng ganoon?
Masasabi ba niyang ok lang na nag-split sila ng dati niyang boyfriend na si Ricci Rivero, naka-jackpot naman siya kay Daniel?
Bago niya sabihin iyon, may “resibo” ba siya?
Iyang resibong iyan noong una ay hindi namin maintindihan, hanggang sa may isang gay movie writer ang nagpaliwanag sa amin. Minsan daw kasi ang mga bakla ay may nakaka-date na mga starlet o personalities pero siyempre ang mga iyon ay magde-deny na pumatol sila sa bading.
Kaya ang mga bading wise na ngayon, “kumukuha ng resibo.” Iyon pala ay mga picture o video ng mga lalaking nakukuha nila bilang katunayan na may nangyari nga sa kanila kung sakali man at mag-deny iyon. Iyon pala ang ibig sabihin niyong nagkuwento sa amin na isang male starlet daw sa isang gay serye ang may katakot-takot na resibong hawak ng isang bading, kaya huwag nang magmalinis pa.
Kung sakali, may mailalabas bang resibo si Andrea, na may nangyari rin sa kanila ni Daniel? Kung mayroon hindi naman kami magtataka, lalaki iyan eh, kung may nakahain na nga ba riyan tapos ay nakainom pa? Pero kailangan may resibo para mapatunayan.
