Paolo nagkasakit kaya wala sa Eat Bulaga

HATAWAN
ni Ed de Leon

NAGKASAKIT na raw si Paolo Contis kaya wala siya noong isang araw sa Eat Bulaga. Pero hindi naman daw iyon dahil sa mga bashing na natatanggap niya, manhid na siya sa bashing eh.

Wala na nga siya na-bash pa siya eh, sinasabi pang wala siyang kaparatang mag-celebrate ng Father’s day dahil hindi naman siya nakilalang tatay at hindi nagsusustento sa sino man sa tatlo niyang anak. In fact iyong dalawa niyang mga anak na may isip na, ayaw nang gamitin ang apelyido niyang Contis. Ewan iyong anak niya kay LJ Reyes paglaki. Ewan din kung titino na siyang talaga basta mayroon pa siyang nabuntis ulit.

Nagsisimula na silang mag-damage control para kay Paolo, pero napakahirap niyan dahil hindi naman mga kritiko ang kalaban mo kundi ang publiko mismo na siyang-siyang laitin siya sa ngayon.