Male star naudlot makuha ang grandslam

ni Ed de Leon

HINDI lang naman sa panahong ito may mga artistang nananalo ng award na ipinagtatanong ng publiko mismo kung “bakit.” Marami naman kasi lalo na sa panahong ito na kahit na hindi “deserved” ang award, “afford” naman nila. Ganoon lang iyon eh.

Kaya nga kami ang sinasabi namin, iyong talagang pinaniniwalaan lang naming award ay iyong The EDDYS. Nakataya kasi riyan hindi lang ang pangalan ng mga entertainment editors kundi pati pangalan ng kanilang mga lehitimong diyaryo.

Nagtatawanan nga noong isang araw, iyan daw EDDYS ang dahilan kung bakit hindi makaka-grandslam ang isang male star, kahit na “afford” naman niyang manalo ng award.