HATAW! D'yaryo ng Bayan hatawtabloid.com
REALITY BITES
ni Dominic Rea
HINDI pa rin makapaniwala ang karamihan sa biglaang pagpirma ng kontrata ni Toni Gonzaga sa bakuran ng AMBS Channel 2 na ngayon ay tatawaging ALLTV.
Sa totoo lang, bago pa pumirma si Toni sa naturang network ay naglabasan pa nga ang tsikang magbabalik-Kapamilya siya. Pero hindi pala ‘yun totoo. Malaking sampal ito sa dati niyang tahanan na roon siya todong sumikat bilang isang magaling na host at artista.
Sampal na sampal dahil tiyak na naggagandahang shows at artista ang susunod na pipirma sa bakuran ng AllTV. Inaabangan na rin kung sino pa ang papasok dito.
May nakarating nga sa aming posible raw na lilipat na rin doon ang isang sikat na loveteam. Totoo kayang may nagaganap ng negosasyon? Totoo ba? Abangan ang totoo.
