Pagbabati nina Diego at Cesar binigyang kulay

HATAWAN
ni Ed de Leon

IKINAILA ni Diego Loyzaga na sila ay nagkabalikan ng dating syota na si Barbie Imperial, kahit na kamakailan ay sinabi nilang nakikita ang dalawa na nagkaka-date pa rin. Inaamin naman ni Diego na nag-uusap sila ni Barbie at magkasundo sila “as a friend”. 

Nakipagkasundo rin naman si Diego sa tatay niyang si Cesar Montano, pero iyon man ay nagkaroon ng kulay nang lumabas naman ang kuwento na ipagagawa pala kay Diego iyong pelikulang Waway at makakasama niya sa pelikula si Cesar na lumabas sa original na pelikulang Alyas Waway.

Mahirap nating pangunahan iyan. Hintayin na lang natin ang tamang panahon. In the meantime, ok na rin naman iyong nagkakasundo sila kaysa nag-aaway.