HATAW! D'yaryo ng Bayan hatawtabloid.com
HATAWAN
ni Ed de Leon
NAPANOOD namin sa isang television drama iyong si Kokoy de Santos. Simple lang ang role pero mahusay siyang gumanap bilang artista. Sayang dahil nakilala nga siya, masyado namang bold ang una niyang nasabakang lead role.
Kung sa bagay siguro nga unti-unti ay matatakpan na iyan dahil nabibigyan siya ng mga wholesome role ngayon sa GMA7. Kung hanggang kailan bago makalimutan ng mga tao ang isang mahalay na eksenang kinasangkutan niya sa isang pelikula, iyon ang hindi natin alam. Kasi iyong bahaging iyon na medyo mahalay ang siya pang paulit-ulit na isine-share ng fans ng ganoong pelikula sa social media. Hanggang ngayon pinagpipistahan pa ng mga bading ang eksenang iyon.
Kailangang mas magsikap pa si Kokoy para makabawi dahil kung hindi matakpan ang simula niya sa bold movie na iyon, hindi namin alam kung ano nga ang kahahantungan ng kanyang career. May mga nakabawi naman sa ganyan kagaya ni Coco Martin na marami ring nagawang
mahalay na pelikula noong araw, pero hindi lang suwerte ang dahilan, pinagsikapan nang husto ni Coco para siya makabawi.
Sana makabawi rin si Kokoy dahil mahusay siyang artista eh, sayang naman kung dahil sa mga nagawa niyang gay movies ay hindiVna siya maka-angat. Kung sabagay, ang mga iyon naman ay napanood sa internet lamang. Hindi naman iyon nailabas sa mga sinehan.
