Daniel ‘di nagpaapekto sa pag-uugnay kay Barbie

HATAWAN
ni Ed de Leon

HINDI naapektuhan at lalo yatang tumibay ang KathNiel sa kabila ng mga intriga sa kanilang love team.

Ang unang intriga sa kanilang love team ay noong kumita nang halos P1-B  ang pelikulang ginawa ni Kathryn Bernardo na kasama si Alden Richards. Sinabi agad nila na mas matindi pala ang earning potentials ng pelikula ni Kathryn kung iba ang leading man. Parang nakalimutan nila agad na ang pelikula ng KathNiel bago iyon ay halos ganoon din kalaki ang kita, at sa history ng career nila, lahat ng pelikula nila ay kumita rin.

Ngayon personal na ang intriga, at ang sinasabi naman mukhang dumidiskarte na raw nang palihim si Daniel doon sa baguhang si Barbie Imperial, at mukhang may kumakagat naman sa tsismis kaya mabilis na nag-react si Daniel. Sinabi niyang hindi dapat paniwalaan ang sinabi ng isang taong wala lang magawa. Wala naman kasing basehan talaga iyong tsismis.

Pero sina Daniel at Kathryn, hindi naman naapekuhan.