Spiderman apektado sa alert level 3

HATAWAN
ni Ed de Leon

KAMI mismo, hindi nakumbinsing manood ng mga pelikula sa Metro Manila Film Festival. Mahal ang binabayaran mong admission price tapos alam mo naman na ang pelikulang palabas nila ay tinipid din. At ang masakit doon, hindi naman sikat ang mga artista. Alam naman natin na hindi lang pelikula ang sinusundan ng mga tao kundi mga artista rin. Eh kung hindi sikat ang artista, sino manonood?

May ilang observers pa ngang nagsasabi na kung inabutan naman daw ng Alert level 3 iyang MMFF hindi rin maaapektuhan ang entries dahil wala pang 30% ng mga sinehan ang napupuno. Hindi sila apektado ng pagtaas ng alert. Iyang Spiderman maaapektuhan dahil tiyak na mas marami ang manonood diyan.

Sa ngayon, ang sinasabing ginagawa nila ay puro internet movies pa rin. Ok lang naman iyon para sa internet na lang sila at hayaan ang mga sinehan sa mga kumikitang pelikula.