Ellen, magpapagawa ng sariling bahay (‘Anyare sa bahay nila ni JLC?)

MAY ipinakitang lupa si Ellen Adarna, mukhang maganda nga ang lugar, tanaw pa ang dagat. Sinasabi niyang doon siya magpapatayo ng isang bahay, at baka matapos lamang ang isang taon, binabalak niyang doon na tumira, sa bago niyang bahay.

Ang tanong, ano kaya ang nangyari roon sa bahay na ipinatayo noon ni John Lloyd Cruz, na dapat sana ay siya nilang magiging tahanang mag-anak kung hindi nga sila nagkahiwalay? Noon bang magkahiwalay sila ay nawala na rin ang lahat ng mga planong iyon? Hindi na ba itinuloy ang bahay na ipinagagawa sa Cebu?

HATAWAN
ni Ed de Leon