Sen. Bong, nakare-recover na

NAGPAPASALAMAT si Mayor Lani Mercado sa lahat ng mga nagdasal para sa kanyang asawang si Senador Bong Revilla dahil nakaka-recover na iyon ngayon mula sa Covid-19 na tumama sa kanya.

Nauna riyan, nabalitang lumubha pa ang kalagayan ni Senador Bong, na tinamaan pa ng pneumonia na komplikasyon ng Covid-19 infection niya. Mabuti naman at nakuha sa gamot ang lahat at ngayon nga bumubuti na ang kanyang pakiramdam.

Pero matagal na gamutan pa iyan. Hindi dahil nawala na ang mga nararamdaman mo ay talagang magaling na magaling ka na. Maaaring maging aktibong muli ang virus sa katawan mo at magkasakit kang muli. Kaya quarantine pa rin si Senador Bong at ingat pa rin talaga.

HATAWAN
ni Ed de Leon