Pokwang, nainis sa biro ni Baninay

BINANATAN naman ni Pokwang ang kanyang kapwa komedyanteng si Baninay dahil nag-post iyon na siya ay posibleng positive sa Covid-19. Natural matakot din naman ang mga kasama niya sa trabaho, kabilang na si Pokwang.

Aba hindi biro ang may makasama kang may Covid-19. Hindi lang nakatatakot iyon kundi malaking gastos din dahil kailangan kang magpa-test kung nahawahan ka na, at paano ang mga kasama mo sa bahay.

Nainis si Pokwang lalo na nang malaman niya na iyon pala ay isang late post, kasi noon pa palang August 2 lumabas ang resulta na negative naman iyang si Baninay. Ano nga ba naman iyan, gimmick para mapansin lang? In the end, nag-apologize naman iyong Baninay, pero talagang mali ang ginawa niya.

HATAWAN
ni Ed de Leon