Aktres, punompuno ng galit at pagkamuhi

SA totoo lang, awang-awa kami sa isang female star na ang puso sa ngayon ay punompuno ng galit at pagkamuhi. Lahat na lang ng tao, lalo na nga ang mga hindi nakikisimpatiya sa kanya ay inaaway niya. Malayo iyan sa nakilala naming personalidad niya. Napakalayo rin naman ng ganyan sa isang taong “born again.”

Minsan may mga masasakit na dumadaan sa ating buhay, subali’t hindi natin dapat hayaan na ang mga iyon ay magdulot sa atin ng pagkamuhi sa ating kapwa. Hindi maganda ang ganoon. Hindi kinakasihan ng Diyos ang mga taong ganoon. (Ed de Leon)