Judy Ann, may tanong – saan ipalalabas ang show ko?

AMINADO si Judy Ann Santos na nang sabihin sa kanyang may gagawin na siyang isang bagong show, nagtanong siya kung saan ba iyon ipalalabas. Kasi nga wala nang on the air broadcast ang ABS-CBN, at sa takbo ng mga pangyayari mukhang matatagalan pa bago sila makabalik on the air.

Noon nga sinabi sa kanila ang Kapamilya Channel na mapapanood sa cable at satellite, pero maging ang pagpapatuloy nila sa cable at satellite ay kinukuwestiyon pa rin ngayon ng ilang miyembro ng Kamara, kasi nga wala na silang franchise. Pero ano man ang sabihin, iba iyong on the air broadcast sa satellite o cable lamang. Limited ang audience niyan. Walang nagbabasa ng ratings niyan, dahil ang ginagawan lang ng ratings ay iyong on the air broadcast.

HATAWAN
ni Ed de Leon