Dating contestant ng noontime show, nakikiusap na pautangin siya

PINAGKUKUWENTUHAN nila ang isang kasali raw sa isang grupo ng mga seksing lalaki na sumali sa isang contest ng isang noontime show. Itong dating contestant sa noontime show, nagtatawag sa mga kakilala niya na palagay niya ay “may interest sa kanya.”

Sinasabing sa ngayon ay wala nga silang raket, at nakikiusap na “pautangin” muna siya. Sinasabi pa niya kung saang money transfer maaaring ipadala ang inuutang niya.

Pero ang usapan nga, sino ang mabobola niya sa ganoon lalo na ngayon at may lockdown na hindi nga nakalalabas ng bahay, tapos hahanap pa ng money transfer para “pautangin” lang siya? (Ed de Leon)