Hindi Tayo Pwede, maging hit din kaya sa takilya?

GAANO kalaki kaya ang kikitain ng pelikulang Hindi Tayo Pwede kapag ipinalabas na iyon sa mga sinehan sa March 4? Kung titingnan mo ang dami ng nanood ng trailer ng pelikulang iyan nina Lovi Poe at Marco Gumabao, masasabi mong magiging hit nga iyan. Pero hindi mo mapagbabasehan iyong count ng social media, dahil iyang mga nag-aabang sa social media, hindi iyan ang nanonood ng sine. Naghihintay iyan ng libreng streaming sa internet. Umaasa iyan na may maka-pirata para mapanood nila agad.

Pero sinisiguro ni director Joel Lamangan na maganda ang content ng kanyang pelikula, at kung iyon ang pagbabasehan mo, baka nga maging malaking hit ang pelikulang iyan. Matagal na ring artista si Lovi,pero wala pa siyang masasabing malaking hit sa kanyang kredito. Sana ito na iyon.

HATAWAN
ni Ed de Leon