Pagiging responsable ni Cristine, makatulong sana sa pag-angat ng career

HINDI na raw pasaway ngayon si Cristine Reyes. Siya mismo ang nagsabi niyan noong magkaroon ng media launch ang pelikula nila ni Xian Lim, iyong Untrue.

May panahon naman na naging pasaway talaga si Cristine. Maski nga ang kanyang nakatatandang kapatid na si Ara Mina, nagkaroon ng problema noon sa kanya. May panahon ding paangat na sana ang kanyang career, pero dahil pasaway nga kaya naudlot pati na iyon.

Pero malaki ang ipinagbago ni Cristine noong mag-asawa, magkaroon ng anak, at mahiwalay at maging isang single parent. Natural bumagsak sa kanya ang lahat ng responsibilidad, at dahil doon mas naging responsable naman siyang talaga. Ngayon, pinagbubuti na niya ang kanyang career, at sana naman this time ay umangat na siyang talaga.

HATAWAN
ni Ed de Leon