HATAW! D'yaryo ng Bayan hatawtabloid.com
PARANG hindi napapansin ang isang male star sa kanyang pinuntahang press conference, pero hindi niya alam na sa mga bulungan doon ay siya ang pinag-uusapan. Ang topic siyempre ay ang kanyang kontrobersiyal na sex video. Sinasabing ginawa niya ang sex video na iyon bago pa man siya naging isang artista, pero paulit-ulit nga iyong lumalabas at mukhang hindi makalimutan ng mga nakapanood.
Bukod sa video, may sumunod pang usapan, na ang male star daw naman ay nakikita ring may mga ka-date na matrona at bading at istambay sa isang upscale mall sa Taguig.
Iyon ang pinag-uusapan nila, hindi naman nila maisusulat. Maaari nilang ilabas ang video, pero may ebidensiya ba sila na siya nga ay may sideline?
Sayang na bata iyan. Kung iisipin mo maaari pa naman sanang sumikat.
(Ed de Leon)
