Male model, naagaw na ni aktor kay singer

IBANG klase ang ngiti ng isang matinee idol nang marinig sa usapan na mag-aasawa na ang isang poging male model. May “lihim” kasi si matinee idol, at noong araw ay sinasabing madalas na sinusundo niya sa mga fashion show ang poging male model. Mukhang nagkaroon din sila ng “link” in the past.

Ang narinig naming tsismis, si male model ay naagaw naman sa matinee idol ng isang singer, na nang malaunan ay siya namang “na-link” sa matinee idol. Iyan na nga ba ang sinasabi namin eh, hindi lang talaga CR ang problema ng mga LGBT, iyon ding masyadong papalit-palit ng kanilang partners.

May lalabas kayang libro tungkol diyan? 

(Ed de Leon)