HATAW! D'yaryo ng Bayan hatawtabloid.com
MAHIGIT na sa isang linggo iyang Barretto wars, pero araw-araw may sumisingaw at iyon ay sinusundan ng mga tao. May gumawa na nga ng meme, na nagsasabing hindi sila kasali at ligtas sila sa Barretto wars, pero sinusundan pa rin naman nila kung ano ang nangyayari.
Ang labanan nga kasi nila ngayon, sino ba ang mas credible? Sino ba ang nagsasabi ng totoo?
Para sirain ang kredibilidad ng statement ni Atong Ang ganoon din naman ni Gretchen Barretto, may naglabas pa ng kanilang pictures, magkatabi sila sa eroplano at natutulog si Gretchen na nakahilig kay Atong.
Mabilis naman ang sagot ni Gretchen, “hindi ko na alam kung ano ang ayos ko kung natutulog ako, at saka nakadamit ako”. Totoo nga naman. Hindi mo kakikitaan ng malisya dahil nakadamit naman siya nang maayos, at natural na may nakakatulog sa eroplano lalo na kung mahaba ng biyahe. May iba pa ngang sinasadyang makatulog habang nasa biyahe para hindi mainip.
Pero iyon nga ang isang bagay na napansin namin. Hindi maikakailang sumikat si Gretchen bilang isang sexy star. Kung tawagin nga siya noon ay ST Queen. Naging third biggest producer ang Seiko dahil sa mga pelikula niyang ST. Pero ni minsan, sa mga pelikula man niyang nagawa o maski na sa pictures, wala kang nakitang si Gretchen ay nagbilad ng kanyang utong, o ng kanyang private parts. Hindi siya kagaya ng iba pati ang ibabang private parts ay itiniwangwang.
Kaya sabihin mo mang ST queen ang tawag kay Gretchen, hindi pa rin siya bastusin.
Basta ilagay mo lang naman sa ayos ang sarili mo, hindi ka babastusin ng mga tao eh.
HATAWAN!
ni Ed de Leon
