Actor, desmayado sa mga pelikulang nagawa noon

DESMAYADO raw ang isang actor sa tuwing sinasabi sa kanya na ang mga pelikulang nagawa niya noong hindi pa siya sikat, na puro hindi rin naman kumita at bastos pa, ay patuloy na napanonood sa mga video streaming sa internet. Kasi karamihan naman sa mga iyon ay lumabas sa video format noong uso pa ang mga pirated na DVD.

Ngayon, uploaded na nga iyon sa mga internet site at ang nag-upload naman niyon ay iyong mga nakabili ng mga pirated copies ng pelikula. Wala naman yata kasing legal na video ang mga iyon dahil hindi naman kumita sa takilya.

Pero ngayon, napakahirap na ngang mapatigil iyon. Ano pa nga ba ang kanyang gagawin para itago iyon? Dapat pabayaan na lang niyang matakpan iyon nang kusa, after all pinag-uusapan pa ba? (Ed de Leon)