Khalil, muntik nang iwan ang pagkanta

MUKHANG maganda ang musical-romantic movie na LSS ng Globe Studios na pinagbibidahan nina Khalil Ramos at Gabbi Garcia na real life couple.

Ayon mismo sa dalawang bida, lalo pang naging malalim ang pagmamahalan nilang habang ginagawa ang movie. Maganda kasi ang istorya ng pelikula kaya nagawa nila itong maganda.

Sa presscon ng movie, inamin ni Khalil na noong mga nakaraang buwan o taon ay nawalan na talaga siya ng pag-asa na tutukan pa ang singing career. Naging malaking factor si Gabbi para ituloy at tutukan muli ang kanyang pagkanta.

“She’s the one who pushes me to do it again. Sinabihan niya ako na tutukan ko again ang pagkanta ko and that’s an inspiration kaya nagdesisyon akong ‘sige, kakanta ako ulit,” paglalahad pa ni Khalil.

Nalaman din namin sa presscon na fave group pala both nina Gabbi at Khalil ang Ben & Ben na kasama rin sa pelikula.

“Yes. Favorite talaga namin sila. Bago pa man ang kasikatan nila now, napapanood na namin sila sa kanilang mga gig!and we admire their music talaga. Kaya noong ginagawa na namin ang movie, ang bilis ng bonding namin, ang gaan ng work kasi we love them talaga,” sez naman ni Gabbi na mukhang magiging date na ni Khalil ngayong paparating na ABS-CBN Ball 2019.

REALITY BITES
ni Dominic Rea