HATAW! D'yaryo ng Bayan hatawtabloid.com
MAGKAKAROON ng pagkakataon ang publiko na makapagbigay respeto sa yumaong dating Environment secretary at chairman ng ABS-CBN Foundation na si Gina Lopez, sa Huwebes at Biyernes sa La Mesa Eco Park, simula 9:00 a.m.-9:00 p.m..
Si Gina bukod sa kanyang mga charitable project ay isa sa mga namumuno sa pagbibigay ng proteksiyon sa kalikasan, isang bagay na natutuhan niya dahil sa kanyang pagiging missionary noon ng Ananda Marga group. Tinututulan niya ang mga pagkilos na sumisira sa kalikasan, lalo na ang illegal mining. Kaya nga nakalaban niya ang mga politikong nasa illegal mining din.
Nawa’y matagpuan niya ang kapayapaang walang katapusan.
HATAWAN
ni Ed de Leon
