HATAW! D'yaryo ng Bayan hatawtabloid.com
BAGAMAT napag-usapan din naman dahil sa mga intimate scene sa pelikula, hindi nanalo ng acting award si Sunshine Cruz na walang dudang siya niyang target nang gumawa siya ng pelikulang indie. Hindi rin naman masyadong nanalo ng awards ang kanyang pelikula. Hindi rin nasabing iyon ay naging top grosser kahit na sa festival lamang na iyon na talaga naman puro mahihina sa takilya ang mga kasaling pelikula.
Obviously, ang nakinabang sa pelikulang iyon ay ang kanyang leading man na si Enzo Pineda, na otherwise parang ang hirap gawing bida sa isang pelikula.
Pero iyan ay isang learning experience para kay Sunshine. Siguro nga mas makadaragdag ang natutuhan niya sa pelikulang iyan sa kanyang pamimili ng susunod na pelikula.
HATAWAN
ni Ed de Leon
