Huling halakhak ni Chokoleit, naganap sa Abra

PARA ngang sinadya, akalain ba naman ninyong may nakaisip sa kanyang mga kasama sa show na kunan ng video ang unang bahagi ng kanyang performance sa Abra, na sinasabi nga nilang parang may pangitain na ang komedyanteng si Chokoleit sa mangyayari sa kanya pagkatapos ng kanyang performance. Sino nga ba ang magsasabing iyon na ang huling halakhak ni Chokoleit?

Habang nagpe-perform pa lang daw ay nahalata na nilang may dinadamdam siya. Palagay namin bago pa siya umakyat sa stage hindi na maganda ang kalagayan niya eh. Pero dahil sa kasabihan ngang “the show must go on,” itinuloy pa rin niya ang performance niya.

Pagkatapos ng performance, isinugod naman daw agad sa isang ospital si Chokoleit, pero sa ambulansiya pa lang, binawian na siya ng buhay. DOA na ang deklarasyon sa kanya ng ospital. Si Chokoleit ay 46 years old lang. Ang buhay nga naman.

HATAWAN
ni Ed de Leon