Angelina Cruz, pang-beauty queen ang ganda

MATAPOS na pagkaguluhan sa isang Santacruzan kamakailan si Angelina Cruz, ang kasunod namang sinasabi nila sa anak ni Sunshine ay dapat sumali sa isang beauty contest. May pinagmanahan naman. Hindi ba noong araw iyon din ang laging sinasabi kay Sunshine, na dapat ay maging beauty queen siya. Iyon nga lang, mas pinahalagahan niya ang kanyang career bilang isang artista

“Nag-aaral pa iyong anak ko. Ang gusto ko makatapos silang lahat sa pag-aaral. Iyon ang dahilan ng lahat ng aking pagsisikap ngayon. Pumayag nga akong maging singer siya. Sige lang, kakanta lang naman siya eh. Hindi makasisira iyon sa kanyang pag-aaral. Pero iyang beauty pageant, makasisira iyan sa schedule ng pag-aaral niya. Siguro tapusin muna niya ang pag-aaral niya, tapos kung talagang gusto niya ok lang sa akin,” sabi ni Sunshine.

HATAWAN
ni Ed de Leon