Nadine, inako ang pagkaantala ng shooting

INAKO na ni Nadine Lustre na siya ang dahilan kung bakit nagkaroon ng delay ang kanilang pelikula. Biglang inilabas niya pati ang kanyang medical records at pati nga mga x-ray niya para sabihing totoo namang may sakit siya. Kasabay ng pagsasabing ”kasalanan ba ang magkasakit.”

Pero alam naman ninyo ang bashers, ipinipilit nila na ang dahilan talaga niyon ay nalasing si James. May nagsasabi pa ngang ”makukunsumi nga kaya si direk Jadaone kung may sakit lang si Nadine?”

Pero iyan ay opinion lang nila. Lumalabas na may talagang dahilan at tinitindigan naman ng producer nila na totoo ang dahilang iyon. Ano ang gusto ninyong mangyari, iwanan iyan ni direk Antoinette Jadaone at mapalitan siya bilang director ng pelikula? (Ed de Leon)