Nakahihinayang si John Lloyd

NGAYON sinasabi nila, mukhang handa na si John Lloyd Cruz na iwan muna ang showbiz. Umalis na siya patungo sa isang bansa sa Europe, kasama ang girlfriend na si Ellen Adarna. May sinasabi na nagbigay na rin siya ng power of attorney sa confidante niya para makakuha naman ng pera sa kanyang account kung kailangan ng pamilya niya. Ngayon lumalabas na ring dalawang commercial endorsements pala niya ang kumalas na, isang biscuit at isang paracetamol, simula nang maglabasan ang kanyang pagwawalwal habang nasa bakasyon kasama si Ellen Adarna.

What a waste. Nakahihinayang si John Lloyd dahil napakagaling niyang actor at tinatangkilik siya ng publiko. Iyong huling pelikula niya isang malaking hit pa. Isipin ninyo kung matatapos ang kanyang career ng ganyan na lang. Nakahihinayang.

HATAWAN
ni Ed de Leon