HATAW! D'yaryo ng Bayan hatawtabloid.com
MAS maganda ang nangyari sa mga totoong pelikula matapos silang maitsapuwera sa Metro Manila Film Festival na puro indie films ang palabas. Iyong Mano Po 7 Chinoy, ilalabas ng mas maaga sa Pasko. Mas makakukuha pa iyan ng maraming sinehan at mapipili pa nila kung saang sinehan sila papasok. Hindi naman kailangan ng Mano Po 7 ang festival, dahil may captive audience na iyan. Suportado iyan ng mga Chinoy gayundin ng mga nag-aaral ng kultura.
Ang maganda pa riyan, sa panahon ng Pasko, sila ang lalabas sa mga provincial theater. Kasi sa ngayon, hindi naman magiging simultaneous nationwide ang mga pelikula ng festival, dahil mga indie nga iyan. Karaniwan nga iyang mga iyan sa isa o dalawang sinehan lang inilalabas eh. Ngayon nga marami nang kinakabahan kung ano ang mangyayari kung mahigit 20 sinehan sila ilalabas.
Pero iyong mga provincial theater, sila na ang kumumbinsi sa Regal na ilabas na agad ang Mano Po 7 bago ang Pasko, para makuha nila iyon sa kanilang Christmas playdate, sigurado nga namang kikita ang mga sinehan. Importante sa sinehan ang kumita ha, lalo na sa panahong sinasabi na malakas ang mga pelikula. Isipin mo kung sa panahong iyon mababalolang ka dahil ang pelikulang palabas sa sinehan mo ay flop, kawawa naman iyong mga tao.
Kulang pa sa koryente at pansuweldo ang kikitain nila.
HATAWAN – Ed de Leon
