Kris desmayado, TV show ‘di pa nasisimulan

MUKHA talagang masama ang loob ni Kris Aquino dahil sa hindi pa nasisimulan hanggang ngayon ang kanyang TV show na inaasahan niya noon pa. May sinasabi pa siyang three dark weeks. Iyon siguro ang panahon na hindi niya talaga alam kung may future pa siya kahit na sinasabing mayroon siyang contract for P800-M. Ano nga ba naman ang saysay ng kontratang iyon kung wala ka namang masimulang projects.

To think na nilayasan nga niya ang ABS-CBN nang malaman niya sa kanyang pagbabalik na kailangan pa siyang maghintay para makakuha ng panibagong time slot para sa isang show. Nang malaman niyang hindi pala siya mabibigyan ng show agad, nagsimula na siya ng negotiations sa APT Entertainment, hoping of course na magmamadali ang GMA 7 to get her. Pero hindi yata nangyari iyon.

Ngayon, base sa kanyang mga statement, makikita nating desmayado na nga ang dating presidential sister. Mukhang nag-reflect din sa kanyang popularidad ang resulta ng nakaraang eleksiyon. Lumabas kasing hindi na ganoon kalakas ang kanyang batak.

Ngayon hindi lamang sa kanyang career nagmamarakulyo si Kris, galit na naman siya sa dating asawang si James Yap dahil hindi man lang daw niyon sinabihan ang kanilang anak na si Bimby na magkakaroon na siya ng kapatid sa bagong girlfriend ni James. Obviously, hindi pa rin nakaka-move on si Kris sa naging split nila ni James. Naroroon pa rin ang kanyang paghihinagpis. In the first place inamin na rin niyang kaya nga niya dinala sa abroad ang dalawa niyang anak para mailayo muna habang manganak ang girlfriend ni James, eh na-delay ang panganganak.

HATAWAN – Ed de Leon