Nasungkit nina Raffy Turingan at Joegrey Gonsalez (Bad Boy MJ Raffy entry) ang kampeonato ng ikalawang edisyon ng 2025 World Slasher Cup 9-Cock Invitational Derby.

Bad Boy MJ Raffy entry solo champ ng 2025 World Slasher Cup 2

Henry Vargas June 10, 2025 Other Sports, Sports

NASUNGKIT nina Raffy Turingan at Joegrey Gonsalez (Bad Boy MJ Raffy entry) ang kampeonato ng ikalawang edisyon ng 2025 World Slasher Cup 9-Cock Invitational Derby sa pagtatapos ng huling yugto ng nasabing torneo noong Martes ng gabi, 27 Mayo sa makasaysayang Smart Araneta Coliseum.

Nakapagtala ng 8.5 points ang Bad Boy MJ Raffy entry para maiuwi ang solong kampeonato ng nasabing torneo, na tinaguriang Olympics of Cockfighting.

Runner-up sina sabong legend Nene Abello (Raffy Blackwater Hieronymous), Al Estudillo (AE Covina), at Jimmy Junsay (Sto. Niño Jared) na parehong nakapagtala ng tig-walong panalo at isang talo.

Samantala, nakapag-uwi ng tig-pitong panalo, isang talo at isang tabla sina DGP/ECM C/O Ronald Basilio (DGP ECM High Breaker) at Capt. JQ De Castro/Capt. VSQ (JQMT Zuma Omti CSC) sa pagtatapos ng nasabing kompetisyon.

Parehong nakapagtala ng tig-anim na panalo, dalawang talo at isang tabla sina Anthony Ramos (Taga Bukid Mad Science), JB Bernos/Jun Durano (Abra JD), at Bruno Dinero/Frank Berin (Mulawin-Bruno Diners).

Nasa 28 entries na mayroong 56 soltada ang nakipagbakbakan para sa grand finale ng nasabing torneo. (HNT)