Tuesday , September 27 2022
Michael de Mesa Cherie Gil

Michael sobra ang iyak, grabe ang pagmamahal kay Cherie

HATAWAN
ni Ed de Leon

HINDI raw napigilan ni Michael de Mesa ang umiyak kahit na siya ay nasa taping, nang mabalitaang yumao na ang kanyang kapatid na si Cherie Gil. Maski noong araw, mahal na mahal ni Michael si Cherie dahil nag-iisa nga siyang babae sa kanilang pamilya. Sa pagkamatay din ni Cherie, si Michael na lang ang mag-isang maiiwan, dahil nauna nang pumanaw ang isa pa nilang kapatid, si Mark Gil.

Nakakapagkuwento kami nang ganyan dahil mga bata pa sila ay naging kaibigan na namin iyang mga Eigenmann. Madalas kaming nagkakasama noong mga panahong nagsisimula pa lamang sila, at madalas din naming madalaw sa tinitirahan nilang bahay noon sa Mandaluyong.

Kahit na noon pa, mas makuwento sina Mike at Mark. Si Cherie bagama’t makuwento rin, ang mga bagay na personal ay nananatiling personal lang sa kanya. Pero sa kanilang tatlong magkakapatid walang lihiman. Very protective ang dalawa niyang kuya kay Cherie, in fact natatandaan namin, hindi nila gusto ang unang nanligaw kay Cherie noon. Hindi pa naman artista noon si Cherie.

Ang unang public exposure ni Cherie ay sa isang concert ng erpat nilang si Eddie Mesa na kasama silang tatlong magkakapatid. Tapos nga si Cherie ay kinuha ni Elwood Perez at isinama sa pelikula niyang Beerhouse. Unang ini-launch si Cherie bilang lead star ng Regal Films sa isang pelikula rin ni Elwood, iyong Problem Child. Pagkatapos niyon nagkasunod-sunod na ang mga pelikula ni Cherie.

Nalinya siya sa mga kontrabida role, pero natatandaan namin ang isang kuwento na madalas ikuwento sa amin ni Kuya Leroy Salvador, na gusto niyang gawing pelikula. Ang totoo buhay iyon ng isang singer na nakasama nila noong panahon pa ng Vaudeville, pero fictionized nang kaunti at ang magiging title sana ay TV Star. Desidido na ang producer na si Mina Aragon na simulan iyon, pero nagkaroon ng problema si Cherie, at hindi na iyon natuloy.

Marami ang nanghihinayang na ang isang mahusay na aktres na kagaya ni Cherie ay napaka-agang nawala dahil sa cancer. Pero ganoon yata talaga ang buhay.

About Ed de Leon

Check Also

BingoPlus Day 2

Ogie, Maine, Morisette may bonggang pasabog sa Sabado!

WAGING-WAGI ang bonggang pasabog ng BingoPlus Day 2 na pangungunahan ni Ogie Diaz, kasama ang mga special guest …

Njel de Mesa The Miranda Bomb

Direk Njel de Mesa, pasabog ang short film na The Miranda Bomb               

ALAM MO NA!ni Nonie Nicasio SA panahon na nagkalat ang fake news, maraming mapupulot ang …

Wilbert Ross Debbie Garcia, Rose Van Ginkel, Ava Mendez, Angela Morena, Jela Cuenca GB Sampedro

Wilbert Ross, tinuhog ang limang Vivamax stars sa pelikulang 5 in 1

ALAM MO NA!ni Nonie Nicasio “FEELING ko, ako iyong pinakamagandang lalaki sa buong mundo ngayon, …

Jane de Leon Darna

Jane napikon sa bintang na ‘di bagay mag-Darna

NAPIPIKON na pala si Jane de Leon sa mga basher/detractors niya na nagsasabi na hindi siya bagay …

Gladys Reyes Moments Net25

Gladys haligi na ng Net 25, Moments 16 taon na

I-FLEXni Jun Nardo HALIGI na ring maituturing si Gladys Reyes sa Net25. Aba, ang talk show niyang Moments ay 16 …