Saturday , September 23 2023
Enchong Dee

Enchong maagap na sumuko, nagpiyansa; City jail ‘di natikman

HATAWAN
ni Ed de Leon

TAMA ang desisyon ni Enchong Dee na kusang sumuko sa NBI kaugnay ng isang warrant na ipinalabas ng RTC sa Davao Occidental dahil sa kasong cyber libel na isinampa laban sa kanya ni Congw. Claudine Bautista Lim. Hindi nai-serve ang warrant noong January 26 dahil hindi natagpuan si Enchong sa address na  nakalagay sa warrant.

Iyon pala ay isang dorm sa Cubao na umano si Enchong ang may-ari, pero hindi naman siya roon nakatira.

Kung hihintayin ni Enchong na abutan pa siya ng sheriff at ng mga pulis na magse-serve ng warrant, city jail ang tiyak na bagsak niya. Isipin ninyo kung ano ang posibleng mangyari kay Enchong kung napasok siya sa city jail. Kaya wise na sa NBI siya sumuko. Na-detain naman si Enchong ng ilang oras lamang, dahil mabilis na naayos ang kanyang piyansa dahil may night court naman ang Quezon City na roon sila nakapaglagak ng bail para sa kanya kahit na lampas na ang office hours. Kung nagkataon, magtatagal siya talaga roon dahil holiday nga kahapon dahil sa Chinese New Year.

Sa ilang idenemanda ni Bautista Lim, si Enchong lang ang nadiin. Ang nagdiin sa kanya ay sarili rin niya.

Gumawa siya ng isang public apology na inilabas niya sa Twitter, na inamin niya na ang kanyang naging statement sa kasal ng kongresista at ang iba pang bintang ay isang “reckless” comment.

Tiyak na ginawa iyon ni Enchong nang walang gabay ng abogado sa paniwalang basta nag-apologize siya ay ayos na iyan at hindi na itutuloy ang demanda.

Iyang public apology at tuwirang pag-amin na mali ang ginawa mo, ginagawa lang iyan sa tulong ng isang abogado at kung iyon ang hinihingi ng offended party. Kung hindi ay ganyan nga, iyon pa ang

magagamit laban sa iyo dahil inamin mo nang mali ang ginawa mo. Sa mga

ganyang kaso, hindi puwede iyong kung ano lang ang maisipan mo, o maipayo sa iyo ng isang hindi naman abogado at walang nalalaman sa batas ang gagawin mo. Kailangan basta may kaso, o may nagbabantang kaso, hindi ka kikilos habang wala kang abogado. Kaya nga iyong mga nahuhuli na eh, tinatanong pa ng pulis kung may abogado o wala. Kung

wala ikukuha nila ng abogado sa PAO para tumulong at sinasabi nila, “ano man ang sasabihin mo ay maaaring gamitin pabor o laban sa iyo pagdating sa korte.”

Pero pasalamat na lang si Enchong, hindi niya natikman kahit na sandali na mapasok sa city jail.

About Ed de Leon

Check Also

Donita Nose Super Tekla

Donita Nose kering makipaglaplapan kay Tekla

MATABILni John Fontanilla HANDANG makipaglaplapan kay Tekla ang singer & comedian na si Donita Nose if ever na mabibigyan …

Blind Item, Matinee Idol, Mystery Man

Pagsikat ni Male star naunsyami (nagmadali, nalinya pa sa mga gay role)

ni Ed de Leon NANIWALA si Male Star na maaari siyang sumikat sa K-Pop  na uso naman …

Trina Candaza Carlo Aquino Mithi

Problema nina Carlo at Trina ‘di dapat maipasa kay Mithi

HATAWANni Ed de Leon MABILIS ang reaksiyon ni Trina Candaza nang magharap ng kaso sa korte si Carlo …

Liza Soberano

Hope Soberano from Hollywood to Korean career (makalusot naman kaya?)

HATAWANni Ed de Leon NATAWA naman kami roon sa balitang ngayon  ay pinag-aaralan na ni Hope Soberano ang …

Alfred Vargas

Alfred sa pagtigil sa paninigarilyo — to live longer, healthier and happier for my family, I want to see my children graduate

SHOWBIZ KONEKni Maricris Valdez Nicasio HINDI madaling umiwas sa bisyo lalo’t stress at nakasanayan na. …