SA LOOB ng tatlong minuto mabilis na nagresponde ang mga bombero at ambulansiya sa multi-story building malapit sa Mall of Emirates sa Dubai kagabi, Linggo.
Iniulat n amabilis na naapula ang apoy at walang iniulat na nasaktan.
Dumating ang firefighting teams at mga ambulansiya sa loob ng tatlong minute batay sa standard operating procedures (SOP).
Ayon sa police officials, ang sunog ay mabilis na nasukol sa 10-12 flats sa nasabing gusali.
“The fire has been put out, and there were no injuries or fatalities,” kompirmasyon ng mga bombero.
Nauna rito, nagkaroon din ng sunog sa isang yate sa Dubai Marina.
Nakontrol ang apoy sa loob ng isang oras, at tuluyang naapula dakong 12:24 pm. Walang iniulat na nasaktan sa insidente. Walang ulat ang Civil Defence kung ano ang pinagmulan ng apoy.
