HATAW! D'yaryo ng Bayan hatawtabloid.com
TATLONG entry ang itinanghal na kampeon sa 2026 World Slasher Cup 2 matapos magtala ng magkakaparehong 8-1 panalo-talong rekord sa prestihiyosong sabong derby na ginanap sa Smart Araneta Coliseum noong Mayo 25.
Nagbahagi sa kampeonato ang Lily Dodoy & RAF Mandaragat ni Rudy Peñaridondo, Crowsland/VL-JMT ni Cong. Lawrence Wacnang, at MJ ni Mr. Bank matapos ang mahigpit na kompetisyon na dinaluhan ng mga nangungunang breeders at gamefowl enthusiasts mula sa iba’t ibang panig ng bansa.
Sa isinagawang awarding ceremony nitong Huwebes sa World Kitchens, Gateway Mall 2, Cubao, Quezon City, personal na ipinagkaloob ni Ms. Irene Jose ng Uniprom Inc. ang mga tropeo sa mga nagwaging kalahok.
Nakibahagi rin sa paggagawad ng parangal ang mga kinatawan ng Binibining Pilipinas na sina 2025 1st Runner-Up Dalia Khattab, Binibining Pilipinas International 2025 Katrina Anne Johnson, at Binibining Pilipinas 2025 Kat Espenido, na lalong nagbigay ng kulay at prestihiyo sa pagdiriwang ng tagumpay ng mga kampeon.
Patuloy na kinikilala ang World Slasher Cup bilang isa sa pinakamalalaki at pinakaprestihiyosong international cockfighting tournaments sa mundo, na nagsisilbing entablado para sa pinakamahuhusay na gamefowl breeders at handlers sa industriya.
(HENRY TALAN VARGAS)
