Tony Labrusca bumaba ang popularidad

HATAWAN
ni Ed de Leon

NAPANSIN lang namin, mukhang napakabilis yata ng pagbaba ng popularidad ni Tony Labrusca. May panahong kabi-kabila siya ang pinag-uusapan, ngayon ay hindi na ganoon. May panahong ang turing sa kanya ay sexiest male star, ngayon mukhang nasapawan na siya ng mas malalakas ang loob na maghubad at magpakita ng kanilang private parts.

Hindi nagawa iyon ni Labrusca, na puro paseksi lamang.

Iyan naman talaga ang problema ng mga sexy star. Mabilis silang sumikat, pero basta napasukan ng mga bago, mas madali naman silang mawala. Iyong karaniwang artista, nakukuha niyan ang paghanga ng mga tao dahil sa kanilang galing at sumisikat sila. Hindi naman nawawala ang galing. Iyang mga sexy star, kaya mabilis sumikat dahil sila ang nagiging ilusyon ng kanilang fans, pero kung may mas higit na g mapag-iilusyonan, wala na sila. Tingnan ninyo, sino ang artistang nagpa-sexy noong araw ang sikat pa rin hanggang ngayon?

Nakadepende kasi ang kanilang poularidad sa ilusyon ng mga tao, at madaling mawala ang ilusyon.