Friday , March 1 2024
Coco Martin, Sharon Cuneta

Sharon tuloy na tuloy na sa Ang Probinsyano

KITANG-KITA KO
ni Danny Vibas

MAHIRAP pagdudahan na tuloy na tuloy na ang paglabas ni Sharon Cuneta sa FPJ’s Ang Probinsyano. 

Naglabas  ang Dreamscape, producer ng show para sa Kapamilya Network ng teaser na ang text ay ganito: ”Sa pagpa­patuloy ng ika-6 na anibersaryo ng #FPJsAng Probinsyano, siguradong MEGAganda pa ang gabi niyo! Abangan!”

Sinadyang i-allcaps ang MEGA, ‘di ba? Isang showbiz idol lang naman ang may bansag na “Mega” rito sa bansa, ‘di ba? Kaya mahirap ng pagdudahan na si Sharon ang pinaaabangan sa madla.

Ang balita ay kung walang magbabago sa plano, magsisimula nang mag-taping si Sharon para sa Ang Probibsyano ni Coco Martin ngayong Nobyembre.   

Ipinagdiwang ni Coco ang 40th birthday n’ya noong Lunes, November 1. Ito ang dahilan kaya pahinga muna sa taping ang cast at production staff ng action-serye na anim na taon nang napapanood sa telebisyon.

Ipagpapatuloy ang lock-in taping ng action-serye sa November 14, at naka-iskedyul si Sharon na magsimula nang mag-teyping.

Unang umingay ang posibilidad ng pagpasok ni Sharon sa Ang Probinsyano dahil sa l social media posts n’ya noong July at August 2021 na parang paramdam nga sa pangarap niyang maging bahagi siya ng TV series ni Coco.

Noong June 2016, ayon sa pag-alaala ng katotong Jojo Gabinete sa PEP.ph entertainment website, sinabi ni Sharon sa interbyu sa kanya ng TV Patrol ang pangarap niyang makasama si Coco sa isang proyekto.

Aniya, ”Alam ni Tita Malou [Santos, former executive of Star Cinema] ito, naka-deposit na talaga ‘yung request ko for a movie with Coco, ilang buwan na. Alam ng Star Cinema, any [genre], basta kasama ko siya.”

Ang paglabas ni Sharon sa Ang Probinsyano ang pangalawang pagkakataong matutunghayan ang singer-actress sa isang TV series.

Nagbida na siya noon sa Madam Chairman, ang comedy-drama show ng TV5 na napanood mula October 14, 2013 hanggang February 28, 2014.

About Danny Vibas

Check Also

Michael Sager Sager Warriors

Sager Warriors sinorpresa si Michael sa kanyang ika-21 kaarawan

MATABILni John Fontanilla GRABE ang pagmamahal at importansiyang ibinibigay ng fast rising teen actor ng Kapuso …

Andrea Brillantes kasambahay motor

Andrea Brillantes 2 kasambahay binigyan ng motor  

MATABILni John Fontanilla BAGO ma-bash ng netizens ay pinangunahan na ng controversial Kapamilya actress na si Andrea Brillantes na …

Sofia Andres Kathryn Bernardo Sarah Lahbati

Sofia nakahanap ng tunay na kaibigan kina Kathryn at Sarah

MA at PAni Rommel Placente MAHIRAP talagang humanap ng tunay na mga kaibigan sa showbiz. …

Robin Padilla Mariel Rodriguez IV Drip

Sen Robin at Mariel humingi ng sorry sa gluta session

MA at PAni Rommel Placente NAGPADALA ng dalawang sulat si Sen. Robin Padilla noong Lunes, February 26,  …

Kat Agarrado Sinosikat Heart Calling

Sinosikat nagbabalik, Heart Calling inilunsad

SHOWBIZ KONEKni Maricris Valdez Nicasio NAGULAT kami noong Martes ng gabi nang lumabas ng 12 …