Wednesday , May 29 2024
Enchong Dee, Angel Locsin, Dimples Romana, Coco Martin, Jodi Sta Maria, Anne Curtis, MMK

Enchong, Coco, Jodi, Anne, Dimples, at Angel tampok sa 30th anniversary ng MMK

SHOWBIZ KONEK
ni Maricris Valdez Nicasio

BONGGANG-BONGGA ang ika-30 anibersaryo ng Maalaala Mo Kaya dahil tampok ang mga premyadong aktor na sina Enchong Dee, Coco Martin, Anne Curtis, Dimples Romana, at Angel Locsin kasama ang mala-inspirasyon, pag-ibig, at pag-asang kuwento.

Bibigyang buhay ni Echong ang kuwento ni Edwin Pranada sa unang Sabado ng Nobyembre. Si Edwin na buong buhay ang tanging hiling niya ay makita ng ina ang kanyang effort tulad ng naibibigay nitong pagpapahalaga sa kanyang mga kapatid. Sa umpisa, namulot siya ng basura para kumita ngunit nang tumagal ay napagod siya at napunta sa pagbebenta ng drugs at panloloko ng mga tao. Panoorin kung paano niya nabago ang kanyang ugali at maging isang kilalang cosmetic tattooist na nagbibigay ng libreng service sa mga taong may alopecia.

Mapapanood naman muli ang unang pagtatambal nina Coco at Jodi Sta Maria sa Nob.13 (Sabado). Gagampanan ni Coco si Ramon, isang underground boxer. Sa kanyang pagbubuo ng pamilya kasama ng asawang si Mila (Jodi), pinili niyang lisanin ang nakagisnang buhay. Ngunit nang magsisimula na siya sa kanyang bagong tatahakin ay makagagawa siya ng isang krimen na magdudulot ng sakit at galit mula sa kanyang pamilya. Alamin kung paano siya nagbago at maging isang mabuting tatay at asawa sa kanyang pamilya.

Sa Nob.20 (Sabado) naman, mababalikan ang kuwento ni Marrz Balaoro, ang founder ng FILGUYS Association sa Hong Kong. Mula pagkabata, alam na ni Marrz na hindi siya tulad ng kanyang mga kapatid na babae. Dahil sa pagtutol ng kanyang ama sa kanyang kasarian, minabuti niyang makipagsapalaran sa Hong Kong para makamit ang inaasam na kalayaan at independence. Sa kabila ng pangungutya ng mga tao, mananaig kay Marrz na yakapin ang kasarian at tulungan ang mga kapwa niyang taga- LGBTQIA community.

Sariwain din ang kuwento ng 2018 Asian Academy Creative Awards Best Single Drama/Telemoviena, Kotse-Kotsehan tampok sina Angel at Dimples. Sa Nob.27, mapapanood ang bersyon ni Samina (Angel) ng kuwento tungkol sa pagkakita niya sa anak ni Idai (Dimples),na sinasabing na-kidnap, at sa pagkupkop niya rito. Patutunayan niya rin ang kanyang pagka-inosente sa binibintang sa kanyang krimen.

Panoorin ang MMK sa Kapamilya Channel, A2Z, Kapamilya Online Live YouTube channel, ABS-CBN Entertainment Facebook page, at iWantTFC. Para sa viewers sa labas ng Pilipinas, mapapanood ito sa The Filipino Channel sa cable at IPTV.

About Maricris Valdez Nicasio

Check Also

Angel Guardian Running Man PH

Angel ‘di na habol manalo, mas gustong mag-enjoy bilang runner

RATED Rni Rommel Gonzales ULTIMATE Runner sa Season 1 ng Running Man Philippines si Angel Guardian kaya natanong ito …

Aica Veloso Kulong

Aica nais kumawala karanasan sa isang kapitbahay

RATED Rni Rommel Gonzales NAGBAHAGI ng kanyang mapait na karanasan ang Vivamax female star na si Aica Veloso nang …

Paolo Ballesteros Kira

Paolo hinangaan pag-e-escort sa prom ng anak

MATABILni John Fontanilla SINALUDUHAN at pinuri ng netizens ang Eat Bulaga host na si Paolo Ballesteros nang mag-escort ito …

Kathryn Bernardo FAMAS

Kathryn nasungkit 1st FAMAS Best Actress award

MA at PAni Rommel Placente SI Kathryn Bernardo naman ang wagi bilang Best Actress para sa mahusay …

LA Santos FAMAS

LA Santos Best Supporting Actor ng 72nd FAMAS award

MA at PAni Rommel Placente SI LA Santos ang is tinanghal na Best Supporting Actor sa katatapos …