Dasal ni Father Suarez sa pelikula, nakagagaling?  

ANO nga kaya ang magiging reaksiyon ninyo kung biglang may lumitaw na may isang taong may sakit na gumaling matapos na mapanood ang pelikulang Suarez,The Healing Priest? Napanood namin ang pelikula, at iyong ending nila, isang panalangin ni Fr. Suarez, na ginawa isang araw bago siya bawian ng buhay, na may panalangin para sa lahat ng may sakit. Sinabi lang niyang ipatong ang kanang kamay sa bahagi ng katawang may sakit at sumabay sa panalangin.

Imposible bang hindi dinggin ng Diyos ang isang nananalangin nang may pananampalataya? Ewan, pero kami ay naniniwala sa himala. Naranasan namin iyan, hindi kay Fr.Suarez kundi sa santong si Santo Padre Pio. Sino ang makapagsasabing kung sasabay ka nga sa pagdarasal sa pelikula ay hindi ka rin gagaling?

HATAWAN
ni Ed de Leon