Clique 5, puspusan ang pag­hahanda sa Feb. 27 concert

NGAYONG  February 27 ay magaganap na sa Music Museum ang kauna-unahang concert ng Clique 5. Puspusan na sa ngayon palang ang rehearsals ng pitong members nitong sina Marco, Clay, Josh, Sean, Karl, Rocky, at Tim.

Magaling ang boses nila. Pagdating naman sa mukha ay may kanya-kanyang karakter ang mga ito. Sing and dance ang grupo.

Kasabay sa kanilang rehearsals ay ang pagpapaganda ng katawan. Hindi ko sinasabing ganoon na sila kagaling dahil marami pa silang kakaining bigas but super trying hard silang ayusin ang kanilang ginustong propesyon para sa kani-kanilang mga pangarap.

Labas na rin pala ang kanilang digital at physical debut album sa Spotify, Amazon, at Youtube composed of beautiful original compositions ni Joven Tan. Tulad ng kantang Puwede Ba, Teka Muna na may kasamang music viceo na almost 200K views na sa Youtube. Download niyo na and let us support OPM!

REALITY BITES!
ni Dominic Rea