HATAW! D'yaryo ng Bayan hatawtabloid.com
WOW, talaga palang napaka-prangka na ni Robin Padilla ngayon. Biglang nagsalita na siya tungkol sa sex life nila ng misis n’yang si Mariel Rodriguez. Active na active ‘yon.
Ipinagtapat n’ya ‘yon sa isang press conference para sa isang local dietary supplement for men na sila ng kapatid n’yang si Rommel Padilla ang endorsers. Si Rommel ang tatay ni Daniel Padilla.
“Kung puwede talaga mga two times a day lang, puwede na iyon. Okay na ‘yun. Nagba-budget pa ako niyon. Kailangan may pacing kasi 48 na ako,” tsika n’ya noong presscon.
“Noong araw kasi puwede talagang all night long. Pero kapag ganitong 48 ka na, medyo kailangan kumain ka rin, kailangan matulog ka rin,” paliwanag pa n’ya.
Ipinagtapat din n’yang mas gusto n’yang magtalik sila ni Mariel pagkagising nila sa umaga.
Nang tanungin siya kung may balak na nilang sundan ni Mariel ang unang anak nilang si Isabella, ang walang-takot n’yang sagot ay: “Naku, huwag muna ‘yun. Kasi noong nagbuntis siya hanggang sa roon sa nanganak, na-diyeta ako roon, eh. Ngayon lang ako ulit rumi-recover.”
Ayon sa bituin ng Sana Dalawa ang Puso, baka next year pa nila pag-uusapan kung gusto pa nilang magkaroon ng isa pang anak.
“Pero sa ngayon, masayang masaya kami kay Isabella. Siguro ipapasyal ko muna si Mariel ng mga anim na buwan. Tapos magdesisyon siya kung gusto niya mag-anak ulit. Si Mariel kasi nararamdaman ko parang gusto niya pa,” pagtatapat n’ya.
KITANG-KITA KO
ni Danny Vibas
