Tuesday , January 31 2023
Yul Servo Bonifacio

Yul ‘ipaglalaban’ ang Ama ng Rebolusyon, Katipunan Documents babawiin

SHOWBIZ KONEK
ni Maricris Valdez Nicasio

SOBRA-SOBRA pala ang paghanga ng actor-politician na si Yul Servo, kinatawan ng ikatlong distrito ng Maynila kay Andres Bonifacio kaya naman pinangunahan niya ang pagpasa ng House Resolution no. 01416 o ”A resolution directing the government of the Republic of the Philippines, through the diplomatic efforts of the Department of Foreign Affairs, to take further steps to recover and preserve the ‘Katipunan Documents’ from the Archivo Militar General De Madrid, under the government of Spain.”  

Layunin ng House Resolution na makuha ang Katipunan Documents mula sa Madrid, Spain, dahil nilalaman ng mga dokumentong ito ang daan-daang mga mahahalagang papeles, ulat at sulat-kamay na mga liham nina Gat Andres Bonifacio, Emilio Jacinto, Pio Valenzuela at iba pang opisyales ng Katipunan. 

Noong Nobyembre 30 ang ika-158 taong kaarawan ni Gat Andres Bonifacio, ang tinaguriang Ama ng Demokrasya ng Pilipinas at Ama ng Rebolusyon. Isa siyang dakilang Filipino na walang ibang hinangad kundi ang palayain ang inang bayan mula sa mahigpit na hawak ng mga dayuhang walang ibang ginawa kundi alipustahin ang Pilipinas. At dahil sa kanyang kabayanihan, isa sa mga national holiday ng Pilipinas ay ang Bonifacio Day na ginaganap tuwing Nov. 30.

Maaaring sa iba ay hindi na importante ang history ng ating bansa, ngunit ang hindi napapansin ng lahat ay ang kasaysayan ang humubog sa isang bansa, ito ang nagpapatatag sa bawat Filipino at patuloy na dumadaloy sa lahat ng aspeto ng ating pamumuhay. 

Sabi nga ni Gat Andres, ”Aling pag-ibig pa ang hihigit kaya sa pagkadalisay at pagkadakila. Gaya ng pag-ibig sa tinubuang lupa. Aling pag-ibig pa? Wala na nga wala.”

Maraming beses nang ginawan ng pelikula ang buhay ni Bonifacio, bukod pa sa mga teleseryeng tumatalakay sa Philippine history. Kabilang sa mga kilalang aktor na gumanap bilang Andres Bonifacio ay sina Cesar Montano, Gardo Versoza, Alfred Vargas, Robin Padilla, Gardo Versoza, Sid Lucero at marami pang iba. At sa bagong version na idinirehe ni Erik Matti, bibida si Manila Mayor Isko Moreno

Noong 2012 nakuha ng Pilipinas ang digitalized copy ng mga ulat at sulat-kamay ng ilang mga bayani na nasa pangangalaga ng National Historical Commission of the Philippines. Pero mahalaga pa rin na makuha ang orihinal na dokumento, ayon Yul.

Bukod dito, nariyan din ang House Resolution no. 2835 o “Resolution Expressing the recognition of Andres Bonifacio as the First President of the Philippines and urging the president to institute through the Department of Education and Commission on Higher Education significant measures to disseminate and propagate the truth about such fact in HistoryBooks, Elementary, High School and Tertiary Education and other related medium of information.” 

Ikatlo ang House Bill no. 10542 o “An act mandating all Colleges and Universities in the City of Manila whether Public or Private to include in their collegiate curricula courses devoted to the life, works and heroism of Gat Andres Bonifacio.”

At sa huli ay ang House Bill no. 10557 o “An act esta lishing the Andres Bonifacio Museum in his hometown of Manila City.”

Paliwanag ni Yul, ”Oras na para malaman ng lahat ang katotohanan tungkol kay Gat Andres Bonifacio, na siya’y higit pa sa isang matapang na mandirigmang nagsimula ng pag-alsa laban sa mga dayuhang nanakop sa kanyang inang bayan, siya ang tunay na Ama ng Demokrasya ng Filipinas at siya ang totoong unang Pangulo ng ating bansa. 

“Ang mga panukalang-batas na ito ay walang anumang layunin na guluhin ang naunang kaalaman natin tungkol sa ating kasaysayan, bagkus nais ng mga ito na itama ang matagal nang mali, at ipagmalaki at kilalanin natin ang Pambansang Bayani sa paraan na makatutulong sa mga susunod na henerasyon. 

“Dahil ang kasaysayan ng isang bansa at kaalamanan ukol dito ay napakalaki ng epekto sa ating pagkatao bilang mga Filipino,” sambit pa ng kongresista.

About Maricris Valdez Nicasio

Check Also

Jun Miguel Talents Academy PMPC 35th Star Awards for TV

Talents Academy wagi sa  PMPC 35th Star Awards for TV

MASAYANG-MASAYA ang dating That’s Entertainment member na si Jun Miguel na siyang producer and director ng matagumpay na children’s …

Maria Luisa Varela Miss Planet International 2023

Maria Luisa Varela itinanghal na Miss Planet International 2023

HINDI man tayo pinalad na manalo sa Miss Universe, Miss International, at Miss Earth ay wagi naman ang Pilipinas sa Miss …

Paolo Ballesteros

Vice Ganda tinalo ni Paolo Ballesteros sa Star Awards for TV

MATABILni John Fontanilla WAGING-WAGI sa katatapos na Philippine Movie Press Club 35th Star Awards for Television na ginanap …

Lian Paz Paolo Contis

Lian Paz may parinig kay Paolo Contis

MATABILni John Fontanilla USAP-USAPAN sa apat na sulok ng showbiz ang naging post ni EB Babe …

Richard Yap Jodi Sta Maria Gabbi Garcia Joshua Garcia

Unbreak My Heart ng ABS-CBN at GMA kukunan sa Switzerland

SHOWBIZ KONEKni Maricris Valdez Nicasio INUMPISAHAN na pala ang shooting ng kauna-unahang collaboration ng GMA Network at ABS-CBN, …