Sunday , February 5 2023
robin padilla
robin padilla

Robin, anti-dynasty pero suportado ang pagtakbo ng magkakapatid na Duterte

IBANG social media ang ginamit ni Robin Padilla, dahilan para umani siya ng pamba-bash lately.

Matatandaang tinanggal ng Facebook ang kanyang account bunga ng kanyang mga post. Ito’y sa kasagsagan ng kanyang pagbatikos sa noo’y aarestuhing si Senator Antonio Trillanes IV na pansaman­talang sumilong sa Senado.

Bagama’t wala na siyang FB account ay sa ibang paraan naman inihayag ng action star ang kanyang opinyon hinggil sa political dynasty.

Ani Robin, ang nasabing sistemang ito na naisasalin lang ang kapangyarihan sa mga miyembro ng pamilya ang para sa kanya’y malaking problema ng political landscape sa ating bansa.

Pero kasunod naman nito’y ang pagpabor niya sa sabay-sabay na pagtakbo (although sa magkakaibang puwesto) ng mga anak ni Pangulong Duterte: si Paolo o Polong sa pagka-Congressman, si Sarah o Inday bilang reelectionist as Davao City Mayor, at si Baste bilang ka-tandem ni Sarah.

Kinukuwestiyon tuloy ng netizens kung alam nga ba ni Robin ang kahulugan ng mga katagang political dynasty.

Self-contradicting nga naman ang kanyang pananaw ukol dito. Kontra siya, pero suportado naman niya ang pagkandidato ng magkakapatid na Duterte.

Wala kasing iniwan ang paniniwala ni Robin sa pagsasabing against siya sa korupsiyon, pero may basbas naman mula sa kanya ang mga tiwaling opisyal ng pamahalaan. So, ano ba talaga?

Kung kami kay Robin ay itatanim namin nang pagkalalim-lalim sa aming isip na bagama’t bahagi ng isang tunay na demokrasya ang freedom of expression o malayang pagpapahayag ay susuriin muna naming mabuti kung ano ang aming sasabihin.

And in the case when whatever we say needs to be posted ay sisiguraduhin muna naming hindi kami maba-bash ‘pag ipinost namin ito.

Walang tama o mali sa pagbibigay ng opinyon huwag lang sasamahan ng facts.

Sa political dynasty stand ni Robin, sana’y ipinaliwanag na lang niya kung bakit ‘di siya pabor dito. Pero ang siste, may reference pa siya ng partikular na pamilyang nagpapalaganap nito.

Kung magbabanggit din lang kasi tayo ng mga politikong nais hawakan ang kanilang kapangyarihan forever, aba, hindi lang ang First Family ang mangunguna sa listahan.

Nariyan din ang mga Binay (ang magkapatid na Abby at Junjun na magkalaban pa sa mayoral race sa Makati City), Cayetano ng Taguig City, Revillang Cavite and the list goes on and on.

Malinaw ang stand ni Robin, he’s anti-political dynasty.

Sumablay nga lang siya sa pagpapaliwanag based on his given example.

At ang inaasahan nang susunod siyempre pa ay ang pamba-bash sa kanya.

Samakatuwid, si Robin na rin ang nag-imbita para okrayin siya ng bonggang-bongga.

HOT, AW!
ni Ronnie Carrasco III

About Ronnie Carrasco III

Check Also

Paolo Contis Mother

Paolo Contis grabe ang iyak nang banggitin ang wish sa ina

COOL JOE!ni Joe Barrameda NAIYAK naman ako habang pinanonood ang one on one interview ni Boy …

Iza Calzado

Iza Calzado tigil muna sa social media

MATABILni John Fontanilla ITITIGIL muna ni Iza Calzado ang pagpo-post sa kanyang social media para makapag-pokus sa …

Connie Angeles Ading Fernando

Connie Angeles maraming natutunan sa yumaong Ading Fernando

MATABILni John Fontanilla NAGBALIK-TANAW ang aktres /host/public servant na si Ms Connie Angeles nang gawaran ito ng Ading …

Pokwang  Lee O’ Brien

Pokwang sa pagmo-move-on: Mamatay sila sa inggit

MA at PAni Rommel Placente SA kanyang Instagram account, may nagtanong na netizen kay Pokwang kung paano maka-move on …

McCoy de Leon

McCoy de Leon binura lahat post sa Instagram

MA at PAni Rommel Placente MUKHA yatang magkakabalikan sina McCoy de Leon at Elisse Joson, huh. Binura na …

Leave a Reply