Janno, na-excite sa paglipat ni Regine sa Kapamilya

DAHIL close si Janno Gibbs kay Regine Velasquez, kaya kinuha ang reaction niya sa ginawang pagbalik-ABS-CBN 2 ng tinaguriang Asia’s Songbird.

Sabi ni Janno, ”I’m excited for her, happy for her, kasi aside from SOP before Ogie (Alcasid) ako ang ka-duet talaga ni Regine. Before magkasama kami sa manage­ment, kay Ronnie Henares, pareho kaming nag-start doon.”

Samantala, muling mapapanood sa mga pelikula ng Viva Films si Janno dahil kamakailan ay pumirma siya rito ng managerial contract. Ang huling pelikulang ginawa niya rito ten years ago ay ‘yung Wait A Minute Kapeng Mainit na nakasama niya rito ang namayapang singer-comedian na Blakdyak.

(ROMMEL PLACENTE)