Kylie hinamon si Aljur: Let’s do it in court

KITANG-KITA KO
ni Danny Vibas

“LET’S do it in court na lang kung gusto mo ng ganoong labanan.”

‘Yan ang isa sa mga pahayag ni Kylie Padilla para sa estranged husband n’yang si Aljur Abrenica noong nag-guest siya sa programang Kapuso Mo, Jessica Soho ng GMA 7 noong Linggo (October 24). At ayon, kay Jessica, si Kylie mismo ang humiling sa kanya na interbyuhin siya tungkol sa mukhang umasim nang tuluyang relasyon nila ng aktor. 

Malakas ang loob ni Kylie na humarap sa hukuman kung idedemanda siya ni Aljur ng adultery dahil si Kylie naman umano ang unang nagtaksil sa sagrado nilang kasal. 

Lahad pa n’ya kay Jessica: “In my defense, while we were formally married, I never had any extra marital relationships with other men. That is my truth!

“Okay sana kung ginawa ko eh. I would say ‘I’m sorry!’ Pero hindi talaga eh, and that’s what they kept throwing at me. Paano ako aamin sa isang bagay na hindi ko naman ginawa?

“Siyempre when you say ‘cheated,’ ang unang iniisip ng mga tao, nanlalaki. So talagang in their minds, talagang ginawa ko ‘yun. And may mga blind item that said that…”

Ano naman ang feeling ni Kylie kay AJ Raval na umaamin nang mag karelasyon ang dalawa? 

Deretsahang sagot ni Kylie: “I actually wanted to talk to her (AJ Raval) kasi napagdaanan ko rin ‘yan noong bina-bash ako dahil nililigawan ako. And I wanted to talk to her, to help her out na… on how to handle it para maiwasan lang ‘yung nangyari ngayon. But my help is not being asked, so I’m not going to give it na lang.”

Pero sa dulo ng interbyu, napakapositibo naman ng mensahe ni Kylie para kay Aljur. Proklama ng aktres na anak ni Robin Padilla: “Huwag nating kalimutan to be parents sa mga anak natin and sana ma-save pa natin ‘yung friendship after this. And kung gusto nating mag-away, whatever, let’s do it in the right place. ‘Wag na sa public. ‘Yun lang ang hinihingi ko, please.”