Sunday , May 19 2024

Juday, komportable nang gamitin ang salitang ampon

NOONG kinuha ni Brillante “Dante” Mendoza si Judy Ann Santos para gumanap na ina ng isang batang may terminal cancer sa pelikulang  Mindanao, alam kaya ng premyadong direktor na bago pa man magpakasal kay Ryan Agoncillo si Juday ay ina na siya ng isang batang babaeng ampon n’ya?

Wala pang nakaaalalang tanungin si Direk Dante kung kasama sa mga dahilan n’ya sa pagkuha kay Juday ang kasabikan ng aktres na maging ina bago pa man siya magkaasawa.

Parang laging nauungkat ngayon ang pagiging ina ni Juday sa batang ampon dahil nga sa papel n’ya sa naturang Metro Manila Film Festival entry bilang ina na tahimik na nanalig na pagagalingin ni Allah (pangalan ng Diyos sa relihiyon ng mga Muslim) ang anak n’ya.

Ipinagtatapat na ng aktres ngayon na ihinahanda na n’ya ang kanyang sarili sa pagdating ng panahon na sasabihin sa kanya ni Yohan (ang ampon n’yang anak na 15 years old na) na panahon na para hanapin nila ang biological parents.

Ginawa n’ya ang pag-amin sa interbyu sa kanya kamakailan sa Tonight With Boy Abunda ng Kapamilya Network. 

Sa iba’t ibang panahon ay itinanong na sa kanya ni Yohan, “Do you know my mom? Are you friends with my dad? Do you know where they live?”

Ang very honest na sagot naman n’ya sa lahat ng tanong ay, “No.” Pero hindi naman n’ya big­lang bina­bago ang usapan o bigla siyang tumatahimik para iparamdam sa bata na ayaw n’ya ang ganoong usapan.

Ginunita ni Juday sa interbyu na noong 26 years old na siya at dalaga pa, may nagdala sa kanya ng isang sanggol na babae. Dahil sabik na siyang maging isang ina, tinanggap n’ya ang sanggol. Hindi na siya nagtanong tungkol sa background nito, at nagawan naman ng paraan na maampon n’ya ang sanggol legally.

Pero nasabi na rin n’ya kay Yohan na, “Sweetheart, if at some point, you want to meet them, you want to talk to them, if you feel there are questions already in your heart that are piling up, and feeling mo sila lang ‘yung makasasagot, we can look for them, because that’s your right.”

Sa paglaon ay diniretso na rin siyang tanungin ni Yohan kung okey lang na hanapin nila ang biological parents n’ya “at some point.”

Paggunita ng nag-ampong ina, “Huminga lang ako nang malalim. Iyon pala ‘yon. Hindi mo naman siya ipinagdaramot. Pero from the time that she asked me that question, I was preparing myself every day, ‘Lord, dumating man ‘yung time na maging seryoso na ‘tong batang ‘to, i-prepare mo kami.’ Kasi hindi ko siya ipagkakait sa ganoon.”

Ipinaparamdam naman ni Juday kay Yohan kung gaano siya kahalaga sa kanilang mag-asawa (inampon na rin legally ni Ryan si Yohan).

Pagtatapat pa ni Juday, “We made her realize na Ryan and me started a family because of you (Yohan). Basically, ‘Ikaw ‘yung mitsa ng kandila ng pamilya natin.”

Ang kapatid ni Yohan na si Lucho ay 9 years old na, at magti-3 years old na si Luna. Ipinaliwanag ni Juday sa kanya na kaya Juan Luis ang buong pangalan ni Lucho, at Juana Luisa naman si Luna ay dahil ipinangalan sila kay Yohan na ang buong pangalan ay Johanna Louis.

“They are named after you. You came first, so always remember hindi ka basta salingkit dito. You started this family,” paniniguro n’ya kay Yohan.

Dati ay ‘di komportable ang aktres na gamitin ang salitang ampon ‘pag pinag-uusapan ang anak n’yang si Yohan. Ngayon nga ay hindi na.

Katwiran n’ya, “Eventually, I realized, it’s such a beautiful word. Napakagandang salita ang ‘adopted’ or ‘adoption,’ because somebody wanted you in their lives. They chose you.”

Samantala, kahit na may bahagi ang kanyang pelikula na tungkol sa digmaan, dahil sundalo ang mister ni Juday sa pelikula na tungkol sa pagmamahal ng mga magulang sa kanilang anak. Bagay sa Kapaskuhan ito dahil ang ugat ng Pasko ay tungkol sa paghahanap nina Jose at Birhen Maria ng pagsisilangan ng anak nilang si Hesus.

May animation (cartoons) sa pelikula na may kinalaman tungkol sa isang folk tale sa Mindanao na unti-unting ikinukuwento ni Juday sa anak n’ya sa istorya. Inamin naman ni Direk Dante na kaya n’ya isinama ang animated folk tale na ‘yon ay para maaakit ang mga bata na manood ng pelikula kasama ang kanilang mga magulang sa paparating ng 2019 Metro Manila Film Festival ngayong Kapaskuhan.

KITANG-KITA KO
ni Danny Vibas

About Danny Vibas

Check Also

Vice Ganda Piliin Mo Ang Pilipinas

Vice Ganda ipinakita ‘problema’ sa ‘Pinas sa Piliiin Mo Ang Pilipinas challenge

MA at PAni Rommel Placente NAG-POST at nakisabay na rin ang Unkabogable Star na si Vice …

Coleen Garcia Billy Crawford

Coleen sa mga humuhusga sa kapayatan ni Billy—He’s more than okay, wala na siyang mga bisyo

MA at PAni Rommel Placente MARAMING lumalabas na haka-haka nang mag-viral ang picture ni Billy Crawford sa …

Miss Lipa Tourism 2024

Ganda ng Lipa ibibida sa buong mundo

MATABILni John Fontanilla LABINLIMANG naggagandahan at lovely candidates mula sa iba’t ibang lugar sa Lipa …

Kira Balinger Kelvin Miranda

Kira  inamin feelings kay Kelvin: may kaunti, ang pogi kasi niya

MATABILni John Fontanilla KAHIT walling nabuong relasyon kina Kira Baringer at Kelvin Miranda, lead actors ng pelikulang, Chances Are, …

Lolit Solis

Bonggang birthday celeb ni Manay Lolit pinaghahandaan ng mga alaga

I-FLEXni Jun Nardo BONGGANG birthday celebration next week ang pinaghahandaan ng talents ni Manay Lolit Solis. …

Leave a Reply

Your email address will not be published. Required fields are marked *