Sunday , May 26 2024
Paolo Contis, Yen Santos, Hans Tórgarð, A Faraway Land

A Faraway Land nina Paolo at Yen nanguna sa Netflix Philippines

KITANG-KITA KO
ni Danny Vibas

KAPAG nagpatuloy pa sa pangunguna sa kita sa Netflix Philippines ang A Faraway Land nina Paolo Contis at Yen Santos, malamang na  gayahin ang mistulang “gimmick” na misteryosong pagsi-zero following nila sa respective Instagram nila.  

Naganap ang misteryosong pag-i-erase ng followers nila sa respective IG account nila ilang araw bago magsimulang ipalabas ang pelikula sa streaming ng Netflix. 

Nanguna na sa Top 10 ang pelikula noong Agosto 20, Biyernes ng gabi, ‘di lang sa Pilipinas kundi pati sa Qatar at sa United Arab Emirates. 

Noong Agosto 19, Huwebes, nag-umpisang mag-streaming sa Netflix ang nasabing pelikula. 

“WOW!” bulalas ni Yen nang i-repost sa Facebook ang magandang balita.

Simple lang ang istorya ng A Faraway Land, pero kumukurot sa puso.

Ayon naman kay katotong Gorgy Rula ng PEP Troika, tatlong laugh emoji lang ang sagot sa kanya ni Paolo Contis nang i-forward nito sa aktor na number 1 ang kanyang pelikula.

Biniro pa niya si Paolo na siya na talaga ang Netflix King ng Pilipinas.

Pero hindi na sumagot ang aktor noong tinanong siya kung nakatulong nga ba ang isyu nila ng misis niyang si LJ Reyes.

Hindi naman siguro nila gustong nagamit ang isyu nila ni LJ para ma-promote lang ang A Faraway Land.

Marami pang nakatakdang gawin si Paolo na pelikulang kukunan sa ibang bansa. May naka-line up siyang project na kukunan sa Switzerland gayundin sa Italy.

Nagpapasalamat ang aktor dahil tinatanggap ang suggestions niya para lalong mapaganda ang pelikula.

Sa isang isla sa Greenland kinunan ang pelikula. Faroe Islands ang pangalan ng lugar. 

Oo nga pala, number 2 sa Netflix Philippines ang Kapamilya teleseryeng The Law of Revenge (Ang Sa Iyo Ay Akin).

Noong Agosto 5 nag-umpisang mag-streaming ang nasabing teleserye nina Iza Calzado, Jodi Sta. Maria, at Sam Milby.

Wow na wow! Ang #1 at #2 ngayon sa Netflix Philippines, parehong gawang Pinoy!

As we write this, ang iba pang nasa Top 10 ng Netflix Philippines ay Nevertheless (#3), The Good Doctor (#4), Black Island (#5), Beckett (#6), Assassin’s Creed (#7), The Girl Next Door (#8), The Kissing Booth Part 3 (#9) at Hospital Playlist (#10).

Sa Seryembre 2 mag-uumpisa ang Netflix streaming ng pelikulang Here and There (Dito at Doon) nina Janine Gutierrez at JC Santos.

About Danny Vibas

Check Also

Aktor ginamit ang power para mawalan ng trabaho kapwa aktor    

COOL JOE!ni Joe Barrameda I feel sorry para sa aming kaibigan na nawalan ng trabaho …

mWell MVP Martin Nievera Regine Velasquez Ogie Alcasid

Martin, Ogie, Regine nakiisa sa unboxing ng newgen watch at precious ring ng mWell

PUSH NA’YANni Ambet Nabus BONGGANG-BONGGA ang ginanap na ‘unboxing’ ceremony ng mWell, ang health app ng Metro …

Regine Tolentino iSkin Aesthetic Lifestyle Kate Pagkalinawan

Regine no-no muna sa movie & tv projects

I-FLEXni Jun Nardo TUTOK sa kanyang negosyo at pagsasayaw si Regine Tolentino kaya hindi muna siya tumatanggap …

Marian Rivera pasa Balota

Marian puro pasa, bugbog sarado sa ginagawang pelikula

I-FLEXni Jun Nardo BUGBOG na katawan at mga pasa sa braso at binti ang natikman …

blind item

Gay photog naunahan kay male starlet ni discreet gay

ni Ed de Leon HINAYANG na hinayang ang isang gay photographer dahil matagal daw na panahon na …

Leave a Reply

Your email address will not be published. Required fields are marked *